XORAZM VILOYAT QURILISH VA UY-JOY KOMMUNAL XO‘JALIGI BOSHQARMASINING SAYYOR QABULI
Xorazm viloyati Qurilish va uy-joy kommunal xoʻjaligi boshqarmasi masʼullarining navbatdagi sayyor qabuli boʻlib oʻtdi.
Urganch shahrida tashkil etilgan mazkur muloqotda aholi qurilish va kommunal sohaga oid oʻzlarini qiynayotgan masala va muammolarni ochiqlash hamda hal qilish imkoniga ega boʻldilar.
Samimiy ruhda kechgan muloqotda Urganchliklarning koʻplab tizimli murojaatlariga joyida yechim topilgan boʻlsa, ayrim murojaatlar muayyan vaqt talab qilgani uchun nazorat tartibida oʻrganishga yoʻnaltirildi.
Har bir muammoni bartaraf etish yuzasidan masʼul tashkilot vakillariga zaruriy koʻrsatmalar berildi. Hal etilishi vaqt va maʼlum bosqichlarni talab etadigan masalalar boshqarma boshligʻining nazoratida ekani taʼkidlandi.
