XORAZM VILOYAT QURILISH VA UY-JOY KOMMUNAL XO‘JALIGI BOSHQARMASINING SAYYOR QABULI
Urganch tuman qurilish va uy-joy kommunal xo'jaligi bo'limi binosida Qurilish va Uy-joy kommunal xo‘jaligi boshqarmasining navbatdagi sayyor qabuli o'tkazildi.
Qabul davomida fuqarolarning taklif va murojaatlari eshitildi. Asosan ko‘p kvartirali uylardagi kamchiliklarni bartaraf qilish, tadbirkorlik faoliyatini amalga oshirish uchun yer maydonlar ajratish, ko‘chma savdo konteynerlarni joylashtirish masalalari yuzasidan ariza va shikoyatlari o'rganildi. Muammoli masalalarning bir qismi joyida tegishli ko’rsatma va tushuntirish berish orqali hal qilindi, yechimi muayyan muddat talab qiladigan murojaatlar ijrosi qatʼiy nazoratga olindi.
Mavjud muammolarning aksariyati tegishli ravishda mutasaddi tashkilotlarga yo'naltirildi. Shuningdek, muloqot davomida ko'plab fuqarolarga ularni qiziqtirayotgan masalalar bo'yicha huquqiy tushuntirish va maslahatlar berildi.
